Sunday School Department

Si department si Koo aména kídílo ministry em idung. Bible doyingem pobola delokke miri paksong íbola idung. Baibel é ludung, Koo kídíde Shedíke sérange deloklegape Shédí bí koo aid atel kote nyokmolímang. Deloklegape Shédí bí ngolum bíkkelo koo kídíem bomadope emla mídung. Adi Baptist Union si shédí ke ponam em tatla koo kídíem Bíkkelo mosing dung deloke edílo koo kídísi sisayedí bulu angupe ímaye. Bulu Ane Abu poyil em mítpansulado ídola koodungem Shédi kelok doying panam kídarem edílokom mínelope menyok maye. Deloklegape si ministry si koo kídi yenamem Shédí ke ayang goralo langanamsi ibang alonamko.

Ngoluke Association so circle takam lo sunday school conference, delokke dígín delokke díyu bondolo camp irum-irum pe ibodung.

Nolu sim kaana takam ekom ayasula kumbílangka emla rogudung.

Share